早前，張敬軒（軒仔）原定參加內地歌唱比賽節目《歌手2017》，但播出前夕卻被離奇抽起，惹來軒然大波。事件發生後，軒仔一直未有公開回應。日前，他現身有份配音的電影首映禮。談及「被退出」節目風波，軒仔坦言：「唔煩就假，但冇想象中嚴重。有粉絲擔心我抑鬱症復發，其實我食得瞓得。」
張敬軒現身公開活動，首度開腔回應退出《歌手2017》的風波。
日前，張敬軒出席有份配音的動畫電影《Lego蝙蝠俠英雄傳》首映禮，他坦言《歌手2017》事件引起的軒然大波，已影響到家人和粉絲：「講真件事唔煩就假，無諗過上節目會搞到平地一聲雷，屋企人都好擔心，因為事件已經由娛樂版升級到時事版。太多事情發生，都唔知點，不過對於我嚟講只係一個階段嘅小故事。」
日前，張敬軒出席有份配音的動畫電影首映禮。
退出節目準備個唱
問到是否有了解「被退出」節目的原因？軒仔表示：「我冇特別去了解，因為佢哋嘅難處我都明白，呢啲都唔係冇可能發生嘅事。不過自己都盡咗力喇！為呢個舞台都有努力去準備過。」軒仔坦言之前參加節目一直都擔心會影響和王菀之合作的演唱會，現在退出了節目，可以有多點時間做足準備。
張敬軒坦言節目引起的軒然大波，已影響到家人和粉絲。
「愛國宣言」被代筆？
談及是否被《歌手2017》要求發表「愛國宣言」言論？軒仔解釋：「其實嗰篇文章，係重新表述自己中國人嘅身份，好多人都知我喺內地出世，拎香港身份證。其實之前已經講過，但節目組同我講觀眾好善忘，所以想我重新講多次。」提到有傳節目組代筆，軒仔表示：「過咗去就算，好多細節都唔記得，我冇將件事睇得太重。」
退出節目後，張敬軒專心準備和王菀之合作的演唱會。
下載APP