啱啱過完年，另一個必須大破慳囊嘅大節又嚟緊，講嘅係2月14日情人節。要送禮氹另一半開心，又要諗埋佢將你份禮物影相放上網呃Like時，足夠佢班朋友同事嘩嘩聲，呢個世代，單係送花梗係未夠啦，要加啲咩？大家不妨參詳下。
Memomem自家訂製 唔撞款
完全由你慢慢揀啱心水先，就好似揀老公一樣。Memomem主打逐件配件由錶圈、錶殼、錶面、機芯顏色至指針款式均可自由選配，在網上你可以將成隻機械錶化零為整，逐樣砌都好難撞到款。錶面及錶殼外側更可刻上肉麻情話及名字，錶殼是以航海級316L不鏽鋼打造，耐蝕性強，錶帶採用高科技FKM橡膠，襟睇又襟用。
Memomem符合瑞士法例的「Swiss Made」要求，絕非柴娃娃的玩具錶，現時除了香港多間鐘錶代理店有售，亦接受全球網購。
Memomem自家訂製瑞士機械錶HK$3,999
agnès b.戒指賣愛都要型
agnès b. BIJOUX今個情人節主打，擺明大賣無盡的愛，咁纏綿，當然要搵隻戒指箍住佢啦！何謂唇齒相依的親密關係？戴番隻情侶戒指，低調之中見合拍。男裝型號配上黑色不鏽鋼，女裝款略為纖幼，戒指上鑲有SWAROVSKI水晶。
agnès b. BIJOUX情侶戒指各售MOP990
Calvin Klein情侶孖煙囪
在情人節互送「底底」，自然別有一番情趣。CalvinKlein的情人節精選沒有選來性感小內褲，反而像老夫老妻的情侶孖煙囪四角內褲，更覺溫馨甜蜜。專為女士而設的棉質紅色及粉紅色兩款孖煙囪可當成家居服，穿起來格外舒適。
Calvin Klein女士粉紅色短褲MOP380
Calvin Klein貼身男士平腳內褲MOP330
周生生金鎖情真
如果你倆思想較傳統，覺得未結婚買戒指又早得滯，周生生「Charme」愛情系列足金吊墜串珠手鏈就啱你。情人節熱門款式有中式心鎖、心形及甜蜜糖果等等，織皮手繩有多款顏色任擇，另可加購顏色玻璃珠配搭。
心形配飾MOP 980
糖果配飾MOP 1,120
周生生「Charme」愛情系列 中式心鎖連手繩MOP 1,730
下載APP