在過年期間，鄭中基舉行一連四場的「Play It Again世界巡迴演唱會」已經圓滿結束。十年沒有在紅館開唱的鄭中基，今次狂碌人情卡，先後搵嚟前度楊千嬅、辣媽陳慧琳、男神黃子華、鬼才林敏驄、老友杜汶澤、薛凱琪、吳君如、梁詠琪等，擔任表演嘉賓。
鄭中基一連四場個唱已經圓滿結束。
在一眾表演嘉賓當中，觀眾對於男神黃子華的反應最熱烈，黃子華照舊在台上大玩棟篤笑，之後他和鄭中基合唱一曲〈風的季節〉。在獻唱前黃子華表示：「我試過喺張國榮面前唱歌，點知唱完之後電影監製問我可唔可以有一句唔走音？」怎料在唱〈風的季節〉時，子華就全首歌都錯Key兼走音。
與老婆情深一吻
要數演唱會上最溫馨的場面，絕對是鄭中基三代同台。鄭中基的兩名子女Emma跟Evan都有上台。姐姐Emma大唱賀年歌，而細佬Evan就親吻鄭中基。鄭中基老婆余思敏亦在Encore環節上台，兩公婆更大方地在台上情深一吻。不過，鄭中基表示：「導演你咁樣搞喊我，係冇好結果㗎！」
鄭中基和老婆余思敏大方地在台上情深一吻。
預咗還人情債
完成演出後，鄭中基在慶功宴上接受訪問，有記者問他是否要還「人情債」？鄭中基表示：「預咗㗎喇！總之同佢哋講有乜需要我一定幫手。」對於子華唱歌走音，鄭中基就解釋：「嗰時耳機好細聲，我都聽唔到。」問到為何找前度楊千嬅做嘉賓？他表示：「因為佢翻唱咗〈閉目入神〉，事前都有問過老婆先搵。」
鄭中基找來前度楊千嬅擔任表演嘉賓。
下載APP