繼台灣女星林心如、舒淇先後結婚後，42歲嘅林志玲感情亦終於有著落。據台灣媒體報道，林志玲去年聖誕節被拍到同屋企人一齊聚餐，隨行仲有一位神秘男士，其間兩人有親密互動。原來呢位神秘男士來頭不少，佢係台灣內地工程公司董事長殷琪姪仔楊仁沛（Chris）。報道話Chris外型高大靚仔，係長居紐約嘅台裔歌手，從小熱愛唱歌，常獲邀參加晚宴同音樂會演出。
報道話林志玲同Chris於去年月撻著，林志玲仲帶埋好友蔡康永一齊去睇Chris嘅演出。之後聖誕節，Chris又出現喺林志玲嘅家庭聚餐，更有在場人士大爆兩人舉止十分親密。消息曝光後，有媒體致電蔡康永求證，佢回應：「志玲的私事，由她回答就好。」隨後，林志玲透過好友承認Chris正追求自己，佢話：「有在追，但是沒時間多相處。目前只是朋友，謝謝關心。」
林志玲承認獲富二代男星追求當中，但兩人目前仲係朋友。
下載APP