英國「男神」班尼狄甘巴貝治（Benedict Cumberbatch）同馬田費曼（Martin Freeman）主演嘅人氣英劇《新福爾摩斯》第四季已播出大結局。忙完新劇嘅宣傳活動後，班尼狄甘巴貝治開始投入新戲《The Current War》嘅拍攝工作，佢喺片中飾演發明直流電力系統嘅偉大發明家愛迪生，米高沙朗（Michael Shannon）則飾演愛迪生嘅「死對頭」，西屋電氣始創人威斯汀豪斯。
劇組公開班尼狄甘巴貝治嘅首張劇照。
班尼狄甘巴貝治最近忙於新戲《The Current War》嘅拍攝工作，新版蜘蛛俠Tom Holland亦有現身片場，佢喺片中將飾演班尼狄甘巴貝治助手。噚日，電影公司公開首張劇照，睇到班尼狄甘巴貝治著住黑色西裝盡顯神秘。事實上，演技出色嘅班尼狄甘巴貝治已經唔係首度演出天才人物，佢除咗喺《解碼遊戲》演過數學家「圖靈」，又喺《梵谷：畫語人生》同《霍金》中，分別扮過「梵谷」同「霍金」。
班尼狄甘巴貝治喺《解碼遊戲》中飾演數學家「圖靈」。
下載APP