早前，天王劉德華於泰國拍攝廣告期間墮馬受傷，之後乘坐醫療專機返港，送往養和醫院治理。雖然劉德華講到明謝絕朋友探訪，但譚詠麟就在昨日現身醫院，他解釋此行是來探望劉德華。逗留半小時後，譚詠麟離開時接受媒體訪問，他說：「華仔好精神，但華仔嘅每個笑容、說話、表情都會觸動到神經，引起痛楚，所以大家唔好嚟探佢。」
劉德華於泰國拍攝廣告期間墮馬受傷，之後乘坐醫療專機返港。
昨日下午1點45分，譚詠麟現身養和醫院，他直上病房探望因墮馬受傷的劉德華。譚詠麟被問到劉德華的傷勢時，他說：「講明今次唔係宣傳，所以只會講一次。其實得我一個硬闖到上去，其他人唔好學我，今次我係純粹同華仔傾公事，因為之前同佢錄咗首歌，一定要當面講。但我今日唔會講呢首歌，因為唔想被人話宣傳。」
譚詠麟現身養和醫院，探望因墮馬受傷的劉德華。
譚詠麟不敢說笑
當談到華仔的近況時，譚詠麟表示：「劉德華叫我通知所有親朋戚友，唔好去醫院探佢，等佢可以好好休息，因為劉德華講嘢、笑、同做反應，都會觸動神經感到痛楚。劉德華知大家嘅心意，佢會心領。」譚詠麟再說：「最初打算同佢講下笑、吹下水，但最後都唔敢，所以講完公事就走。」
劉德華將自行交代病情
至於劉德華到底要多久才可以康復？譚詠麟表示他現在必須要臥床，但精神不錯。有記者就問劉德華太太朱麗倩有沒有在醫院照顧他？譚詠麟就表示劉德華會親身向大家交代病情，叫大家盡量不要騷擾他。至於劉德華會不會回家過年等問題，譚詠麟就沒有回答。
有記者拍到劉德華的額頭有明顯傷痕。
下載APP