大鬧果欄派西柚

周星馳和徐克聯手打造，內地人氣男星吳亦凡、林更新等主演的新戲《西遊．伏妖篇》，將於明年農曆大年初一上映。昨日，兩大導演和吳亦凡現身香港油麻地果欄大派西柚宣傳新戲，周星馳媽媽亦到場支持。現場聚集數百名粉絲和市民圍觀迫爆果欄，場面墟冚。被問到促成這次合作的原因？周星馳笑言：「徐克好正，所以搵佢嚟，呢個機會等咗30年。」

周星馳大鬧果欄宣傳新戲，引來數百名粉絲和市民圍觀。

徐克指吳亦凡獲周星馳親自指導。

周星馳、徐克及吳亦凡宣傳新戲大派西柚，場面墟冚。

在接受採訪時，問周星馳在拍攝期間怎樣和徐克達成共識？他搞笑說兩人一直都沒有甚麼共識。問到「西遊送西柚」宣傳活動是誰的主意？周星馳表示：「唔關我事，呢啲咁好嘅橋點會係我諗出嚟。」談及戲中的愛情戲分，徐克表示是周星馳負責編寫劇本：「今次嘅愛情延續上集嘅發展，周星馳將佢嘅私人愛情寫入劇本，好勁揪。」

星爺親自傳授笑功

問吳亦凡在新戲中剃頭飾演唐僧有否掙扎過？他說：「剃頭沒有問題，兩位大導演找我演出，這是很難得的機會，而且我自覺不是太靚仔，所以並沒有猶豫。」徐克指吳亦凡起初沒有喜劇感，但經過周星馳親自指導後，絕對有驚喜。徐克說：「喺片場拍戲，周星馳拉吳亦凡行埋一邊，之後吳亦凡再埋位時就掂晒，真係估佢唔到。」

吳亦凡表示在戲中剃頭飾演唐僧沒有絲毫猶豫。

吳亦凡獲徐克激讚

問兩名大導演為何會想到找吳亦凡來飾演唐僧一角？徐克解釋：「我哋為唐僧選角一事拉鋸咗好耐，之後諗到吳亦凡，佢平時咁Cool，我哋就諗演唐僧會唔會好搞笑？同佢試鏡就落實咗喇。」問兩人對吳亦凡的演出如何評價？徐克表示：「吳亦凡畀咗我好多意外，表情去到盡，係我冇諗到嘅。」周星馳則笑言要等到寫回憶錄再講。