羅仲謙同楊怡去年10月擺酒結婚後，兩人都未度蜜月就各有各忙，先係楊怡飛去上海演出舞台劇《我和春天有個約會》。其後，羅仲謙亦去到內地開拍網劇《無間道》，佢喺劇中飾演劉德華嘅黑警角色，所有動作場面包括槍戰、劈友，全部都要親身上陣。除咗唔用替身打到飛起，羅仲謙更同有「男神收割機」之稱嘅內地女星朱銳，有大量愛情動作場面。
羅仲謙同楊怡擺酒結婚後，未度蜜月就各有各忙。
羅仲謙拍劇全力以赴博到盡，但有指佢同朱銳嘅連場床戲係先斬後奏，事先並未有同老婆楊怡備案。直到12月尾套劇出街，羅仲謙先焗住向楊怡坦白，但都只係輕描淡寫交代因為劇情需要，以免刺激老婆嘅敏感神經。雖然大家都係演員，同對手有親熱戲在所難免，但楊怡以防老公意亂情迷，一得閒就會飛去內地探班，睇實羅仲謙拍劇。
羅仲謙同朱銳有大量愛情動作場面。
下載APP