陳冠希舊愛黃榕噚日喺網上話自己收到一名叫「經理人」嘅飯局邀請，話想請佢返大陸同「超級富二代」食飯兼過夜，仲話價格高達300萬人仔。事實上，黃榕近年成功打入大陸巿場，頻頻獲夜場邀請出Show，所以都有一定人氣。佢話今次呢個「經理人」喺微信搵佢，一嚟就話：「內地飯局工作，過夜全包30萬，客戶在廣州，超級富二代。」黃榕就強調唔接「呢類工作」，但對方不斷加價，仲叫到300萬?！出手認真闊綽。
黃榕話收到飯局邀請，仲話價格高達300萬人仔。
其後，黃榕接受香港傳媒訪問時就表示：「噚晚我喺內地登完台，半夜三更，有人加我話可以介紹我做job，但就係咁問我嘢，嗰時已經凌晨4點，所以搞到我好嬲。」黃榕仲話：「成件事好騷擾，我鍾意靚仔多過錢，幾多錢都唔做，我覺得自己係無價，所以已經block咗嗰個人。」對於被問到係咪形象問題，所以先被問價？黃榕就解釋：「而家都貼少咗練習鋼管舞嘅片，會貼多啲運動相。」
黃榕話會貼多啲運動相，令形象健康啲。
下載APP