早前，余文樂（樂仔）被爆搭上台灣亞美集團總裁王東生千金王棠云（Sarah），兩人被拍到喺美國共度聖誕。隨後，樂仔於社交網站貼出一張攔實女友睇日落嘅相，大方承認戀情。自從同樂仔公開拍拖後，Sarah嘅一舉一動備受外界關注。噚日， Sarah被爆其父名下嘅亞美集團欠下廠商20億新台幣資金（約澳門幣五億），遭黑衣人上門追討債務。
余文樂被爆搭上台灣女星王棠云，兩人被拍到喺美國共度聖誕。
據台灣媒體報道，日前有四名黑衣人駕車前往Sarah經理人公司樓下追債，車上仲掛住用紅布寫上「亞美集團王東生，騙人血汗錢出來面對」嘅橫幅，最後Sarah搵爸爸出面同債主溝通，黑衣人才肯離去。對此，Sarah經理人公司出面證實此事：「確實有這件事，她爸爸公司的事情就交給家裡的長輩們處理，他們已經知道狀況，也在處理中。因為Sarah是藝人樹大招風，希望不要牽連到她。」
王棠云遭四名黑衣人上門，追討爸爸嘅債務。
下載APP