現年54歲嘅關之琳，去年高調同台灣富商陳泰銘離婚後，除咗專注搞睡衣品牌，仲好活躍社交圈嘅活動。噚日，有報道話關之琳喺好友鍾鎮濤撮合下，搭上細24歲嘅韓國男團Super Junior-M中國籍成員周覓，發展「姊弟戀」。兩人除咗齊齊坐遊艇出海玩，周覓仲為關之琳嘅睡衣品牌撑場。今年9月，關之琳生日時，周覓仲專登飛去香港為對方慶祝，可見兩人關係親密。
關之琳被爆喺鍾鎮濤撮合下，搭上「小鮮肉」周覓。
雖然周覓喺Instagram上稱關之琳為「索姐姐」，但可以講出咁本土嘅「索」字，相信關之琳都有教周覓講返幾句廣東話，周覓亦學以致用，非常識氹對方開心。不過，關之琳接受訪問時，強調同周覓冇可能：「梗係唔係啦，唔好嚇親佢，我就唔驚，嚇親小朋友唔好。」關之琳話對於感情事唔會強求，佢話：「細過我嘅朋友大把，個個都係姊弟戀，我咪好唔得閒，對感情事唔心急，因為冇得急。」
周覓（右）專登飛去香港參加關之琳生日派對。
下載APP