現年45歲嘅朱茵，喺2012年宣布懷孕，隨後同黃貫中結婚專心湊女。已經多年冇喺大銀幕演出嘅朱茵，近日正式復出拍攝驚慄電影《古宅》，雖然朱茵已經45歲，但睇落一啲都唔似，佢喺戲中更要由20歲演到60歲，的確係一個大挑戰。事實上，朱茵從影以來好少拍驚慄片，問到點解今次復出選擇《古宅》？佢就解釋係因為劇本太好，所以先接拍。
朱茵話因為《古宅》劇本太好，所以先接拍。
問到朱茵點解會接拍《古宅》作為復出第一擊，佢就話：「今次的劇本好完整，好特別，人物角色吸引。到我第一次踏入古宅，和開會講的一模一樣，陳設氣氛燈光已令我不寒而慄。」朱茵仲話拍攝現場嘅陳設太恐怖，唔敢單獨留喺房，一定要有人陪伴，朱茵話呢個就係佢多年來唔拍驚慄片嘅原因。此外，今次有一名五歲小朋友做佢個仔，朱茵話：「佢好有童真，可以令我化驚為笑。」
今次有一名五歲小朋友做朱茵個仔，令佢可以化驚為笑。
下載APP