根據聯合國定義，一個地區如果年齡在65歲或以上人口比例喺超過7%，即步入左老齡化社會。而據澳門統計局的研究指出澳門現況：長者增加、出生率低、低死亡水平都是人口急速老化的原因。本澳最近在2023人口統計里：本地中老年人口嘅比例係16.7% 如果按照這個人口數量發展到2036年，本澳就出現老齡社會。今期討論獨居長者在本澳約5,000人左右，現在的生活到底又係點樣?
怎樣定義為獨居長者？
獨居長者通常是指單身或者夫妻兩個孤獨居住的老人，是社會常見問題之一，獨居老人可能係因為喪偶或者冇後代而自己一個人住。但都有可能因為仔女已經成家立室所以佢係需要一個人住。其中一些沒有仔女的獨居長者一般都係處於社會弱勢，唔單止面對心理問題、經濟上往往都比較困難。佢地大部份是一個社工局嘅評估、申請入住社屋。澳門社屋通常分佈在黑沙環、關閘、台山、筷子基等等。
之前走訪了一個長者屋企，入去就真係有一種家窮四壁的感覺。一個已經獨居咗20幾年嘅老友記，問佢平時靠什麼維生？ 佢只係話只有社保每個月3740元補貼。跟住我又問佢有冇屋企人或者親人？佢就話無，童年來到澳門一個人打工，一直沒有結婚成家，由始至終都係得佢一個人。
因為年紀大行動不方便，屋企衛生基本上就沒有去清潔。看到厨房，他煮一餐飯是食兩日，再看看間房就真係感覺到陣陣一心酸，雖然現在天氣不是很泠，但好明顯看到在鉄架上下舖床上，床墊是一張紙皮。真是難以想像係澳門這樣富足的社會仍然都係有這一個情況！
通過這個走訪，深深咁感受現今澳門社會對獨居老人家支援是不足夠。回歸到現在，他們每月收到社保嘅金額3740元，到底有加了多少次? 公務員人工又加左幾多次？ 雖然現在政府係有推出一些新形的長者服務好似長者公寓到底有幾多個獨居老人可以住得起？
我們不能忘記他們年青時為澳門社會作出和貢獻。其實每個人都有自己慢慢會老去、會變老人的一日。到底現時社會俾我們老齡保障係足夠嗎？
近日一部電影嘅興起 ＜破地獄＞其中裡面嘅有一個金句：“唔止死人要破地獄，生人都需要破地獄! ”
不知道大家又點樣對待身邊嘅老人家同埋長者呢？
滙青研社會長 梁偉明
下載APP