荷里活影星保羅獲加（Paul Walker）嘅遺作《狂野時速7》，去年上映叫好叫座，全球票房大收逾澳門幣120億，坐穩全球影史票房排行榜第六位。至於雲狄素（Vin Diesel）同狄維莊遜（Dwayne Johnson）拍攝嘅續集《狂野時速8》，將於明年4月上映。日前，電影公司公開首條預告片，大量飛車鏡頭同打鬥場面驚心動魄，令一班影迷睇得勁過癮。
新加入嘅查理絲泰朗飾演大反派，同雲狄素有唔少感情戲分。
雖然《狂野時速8》冇保羅獲加嘅鏡頭，但仍有大批粉絲捧場，預告片公開未夠24小時，點擊率已超過1.39億，打破英國女星愛瑪屈臣（Emma Watson）主演嘅真人版《美女與野獸》預告片創下嘅紀錄，成為單日最高點擊率嘅電影預告，氣勢強勁。此外，預告片仲喺多個社交網站搞直播，單係Facebook直播就有超過400萬名粉絲實時觀看。
雲狄素同狄維莊遜曾經鬧不和，但好彩冇耽誤電影上映。
下載APP