韓國「女神」全智賢同李敏鎬主演嘅新劇《藍海傳說》，自開播以嚟一直穩坐同時段收視冠軍，但卻遭觀眾批評劇情毫無新意，更有網民發現劇集疑似抄襲英劇《新福爾摩斯》及美國電影《美人魚》。噚日，該劇再陷抄襲疑雲，電影編劇朴奇賢（音譯）喺《藍海傳說》官網留言，聲稱該劇抄襲佢嘅舊作《日月女海洋傳說》，引嚟網民熱烈討論。
全智賢同李敏鎬主演嘅新劇再度涉嫌抄襲。
朴奇賢話十年前曾帶住《日月女海洋傳說》走訪30幾間電影公司，可能期間作品遭洩露，佢話：「《藍海傳說》第一集和我的作品有40多處相似的地方，就連劇情設定和表達方式都十分相似。」朴奇賢話到官網留言係覺得觀眾有知道真相嘅權利，最後佢要求電視台同劇集製作公司公開道歉。對此，劇組方面暫時未有作出回應。
劇組公開李敏鎬嘅最新劇照，未有對抄襲事件作出回應。
下載APP