伍仲衡坦言非常滿意自己的表現。（相關機構圖片）
顏智恆指今次音樂劇對他來說是個新挑戰。（相關機構圖片）
全港澳「最大型」合家歡兒童音樂劇場 2024《神奇學生》一連四場已經完滿結束，每場表演吸引多位圈中名人、星爸星媽捧場，當中包括黎諾懿、林盛斌（Bob）、Patrick Sir一家、陳宇琛夫婦、波姐馮素波、周國豐；及《中年好聲音》的好友支嚳儀、吳大強、李佳、譚輝智及梁浩賢等都有帶同家人來捧場。
首次參與兒童音樂劇，伍仲衡（伍Sir）及顏智恆（Benson）表示非常滿意自己的表現，伍Sir更認為超乎預期：「其實對於我嚟講，我已經做咗幾十場巡迴，因為每一次彩排我都當真做。我最滿意自己有唱歌加如來神掌嗰場嘅表現，做到我自己都相信我真係一個演員。 」而Benson 亦覺得觀眾的反應非常好：「雖然我就唱慣歌，但係Beatbox對我嚟講完全係一樣新嘢，係一樣新挑戰，但現場嘅反應非常之好。都畀咗好多信心我！」
黎諾懿父子。（相關機構圖片）
經過幾個月來和小朋友的相處，他們兩位都覺得現在的小朋友非常醒目，表現甚至乎好過大人，那麼有沒有激發起伍sir的父愛呢？ 他回應：「完全冇喎！小朋友玩人哋嗰啲就好，完全唔使負責任。搣完面豬墩就走得，自己就唔好搞啲咁乜嘢喇！」
兩人被問到會否從此愛上做舞台劇，伍Sir竟然說：「都係冇！因為我真係好憎背嘢。我之前應承做呢套劇，係因為講明唔會太多對白，咁我睇完之後，又覺得我應付到我，又做得開心，咁先至接。除非下一次邀請我做嘅係王家衛，套舞台劇係自由發揮，完全唔使跟劇本咁都可以考慮一下。」Benson亦認同：「我都同伍Sir一樣背唔到嘢，所以如果再接都要考慮清楚。不過今次真係一個好開心嘅體驗。 」
周國豐。（相關機構圖片）
林盛斌（Bob）。（相關機構圖片）
完場後與一班小朋友開心大合照。（相關機構圖片）
下載APP