謝霆鋒爸爸謝賢經歷兩段婚姻後，同細49歲嘅女友Coco拍拖11年，兩人一直表現恩愛。噚日，內地網站突然瘋傳Coco懷孕，指謝賢將以80歲嘅高齡再度做老竇，引嚟大批網民熱烈討論。有人搞笑大讚謝賢老當益壯：「80歲還可以讓女友懷孕，實在厲害，孫子都比兒子大。」但亦有網民替謝霆鋒擔憂：「要叫比自己小的CoCo做媽媽，會不會有點尷尬。」
聽到被傳再做老竇後，謝賢即時扯火大罵。
事實上，謝賢去年接受TVB節目專訪時，曾自爆喺女兒謝婷婷六歲時，已做咗結紮手術。難怪聽到被傳再做老竇後，佢即時扯火大罵：「Short .？講呢啲咁嘅嘢，咁都有得寫，有冇搞錯，梗係冇啲咁嘅事喇！」雖然謝賢否認女友懷孕，但佢曾公開大談自己嘅養生之道，得閒除咗爬山健身之外，仲鍾意食天然食材進補，難怪可以寶刀未老。
謝賢同細49歲嘅Coco拍拖11年，兩人一直表現恩愛。
下載APP