日前,《時代雜誌》（TIME）選出今年荷里活十大爛片，當中不乏揼本之作。奧斯卡「金像獎」影后珍妮花羅倫斯（Jennifer Lawrence）主演嘅《變種特攻：天啟滅世戰》被選為今年爛片王，該片質素被指遠不及同系列舊作，遭狠批浪費唔少天才演員。排第二嘅係英國諧星沙格畢朗高漢（Sacha Baron Cohen）自編自演嘅《Brothers Grimsby》；《Party冇限耆》同《非常索凸務2》就分別排喺第三同第四位。
《變種特攻：天啟滅世戰》成為今年爛片王。
去年年初喺澳門取景，台灣天王周杰倫有份客串嘅《非常盜2》，被選為爛片第五位。DC超級英雄大片《蝙蝠俠對超人：正義曙光》、大導演活地阿倫（Woody Allen）執導嘅《情迷聲色時光》分別排喺第六同第七位。至於大受影迷喜愛嘅《自殺特攻：超能暴隊》，同埋Angelababy有份演出嘅《天煞地球反擊戰：復甦紀元》亦榜上有名。
周杰倫有份客串嘅《非常盜2》被選爛片之作。
下載APP