樂壇天后王菲將於本月30日喺上海舉行「幻樂一場」演唱會，內地騰訊視頻將進行全球直播。天后出山開唱，引嚟大批歌迷四圍扑飛。早前，網上驚現第一排嘅黃牛飛，但就炒到人民幣100萬，認真誇張。隨後，王菲經理人陳家瑛於微博出面打假，佢話：「關於近日有很多黃牛網站高價向歌迷兜售門票一事，在此特別提醒大家，千萬不要在這些網站上買票，慎防矇騙及假票。」
王菲出山開演唱會，引嚟大批歌迷四圍扑飛。
日前，負責王菲演唱會門票嘅售票網站正式開始預售，看台預售票價分為人民幣1,800元、5,800元及7,800元，每人限買兩張，仲要經過身份認證先可以購買。開賣未夠一個鐘，就已經火速賣晒，非常搶手！對於王菲演唱會門票預售極速售罄，陳家瑛就話唔清楚售票情況，問到外界反應咁熱烈會唔會考慮加場？陳家瑛就話：「唔會加場！」
王菲個唱門票開賣未夠一個鐘就極速售罄。
下載APP