現年33歲嘅「欄王」劉翔，喺2014年同內地演員葛天結婚，但兩人婚姻僅維持九個月即玩完。同葛天離婚後，劉翔火速同撐杆跳高運動員吳莎復合，兩人不時於微博晒恩愛放閃，更多次傳出婚訊。今年9月，劉翔喺內地綜藝節目中承認同吳莎已經領證結婚。日前，有網民大爆劉翔同吳莎婚喺斐濟舉行婚禮，僅邀請少數親友出席。
劉翔同吳莎自復合以嚟，一直愛得高調。
噚日，有網民曝光一輯劉翔同吳莎喺斐濟嘅婚照，相中兩人喺海灘交換戒指，深情相擁，除咗穿上當地服飾，好動嘅吳莎仲著住婚紗同劉翔一齊甜蜜踩單車。消息傳出後，有內地媒體致電劉翔教練孫海平確認，對方回應：「沒有聽說他們結婚。」而吳莎教練王萬培就話劉翔同吳莎唔係結婚，只係去影婚紗相。隨後，劉翔工作室亦出面澄清：「辟謠，是拍結婚照！」
劉翔同吳莎婚喺斐濟拍婚照，被誤以為舉行婚禮。
下載APP