許廷鏗年底個唱順勢邀請做嘉賓

（左起）鄭欣宜因情緒病神隱大半年，突然在好友許廷鏗的新歌〈一場同學〉MV 中擔任女主角，令她與公司不和的傳聞再度升溫。（網上截圖）

許廷鏗在12月24 至 26日舉行演唱會＋聖誕巿集，他透露已邀請欣宜做嘉賓，只等待她答允。（相關機構圖片）

許廷鏗（右）感激欣宜（左）在拍攝當日拍足 20 個鐘，非常專業。（相關機構圖片）

許廷鏗（Alfred）早前宣布聖誕節期間將於假九龍的西九文化區竹翠公園舉行「SANTA JAMBOREE音樂生活祭リ」許廷鏗LIVE 2023演唱會。大前日（6日）他推出新歌〈一場同學〉MV，邀得因情緒病而神隱半年多的鄭欣宜（Joyce）擔任女主角， Joyce為好友復出但拒絕現身公司活動，成為網民熱話。

與Alfred老友鬼鬼的Joyce首度公開露面便選在他的MV內出現，引起歌迷熱議紛紛表示被二人深厚感情感動，Alfred談到好友近況：「大家睇到佢演出都應該知道佢狀態真係好好，我地當日前拍足20個鐘，佢由朝到晚都一如以往咁專業同充滿正能量，令整個拍攝團隊都好歡樂！以我所知佢已經非常ready投入工作，好快大家會見到佢。作為朋友替佢開心，希望大家熱烈歡迎佢回歸！」

至於有否邀請好友睇騷，Alfred直言：「我何止約佢睇，我直頭邀請佢做嘉賓啦，大家都掛住舞台上嘅Joyce呀！不過佢重未應承我，你哋見到佢都幫我追追佢！」

近日Alfred除了宣傳新歌外，還為演唱會忙於為演唱會健身、排舞及綵排，清減不少的他透露已經減去十多磅。體能準備之外，聲音都要開始進入狀態，所以Alfred每星期都會上唱歌堂，對於演唱會內容，他難掩興奮：「你哋都知我係鍾意每場都有唔同歌單，所以要練好多歌，不過今次準備好多大家耳熟能詳嘅歌，到時一齊大合唱等我偷啲時間飲啖水。」