杜如風（Helen）素有「日本旅遊達人」之稱，早前她主持的《解風東京》成為J2開播以來同類節目最高收視。今次Helen拍攝《解風大阪》，更由唐詩詠回巢TVB客串做嘉賓，認真大面子。
早前Helen跟攝製隊出發往日本大阪拍攝，一落機她便在網上分享「到著」相片。相中所見Helen手腳非常纖瘦，望落十足火柴人。她受訪時透露刻意減肥出鏡︰「瘦咗足足十磅，今次秘密武器係拋個身出嚟。上輯cosplay道路維修員聽講好受歡迎，所以今次會有更多角色扮演，重會著住cosplay衫周街走做介紹，其中兩個角色係花魁同Mario。」
不少網民留言表示期待，更有人想在當地野生捕獲Helen，不停留言問：「會去邊度呀？可唔可以預先透露少少，好想野生捕獲你」、「好想撞下你，有fans見面時間」；有人讚她「瘦咗又靚咗呀如風」、更有人抵死話「即刻有仔」。
此外，Helen上周五在IG開Live跟fans互動，她揚言絕對不會令觀眾失望，預告會有終極熒幕性感演出及大量和服造型，更有嚇到喊的「亡命」表演。Helen在IG上載跟唐詩詠（Natalie）的合照又宣布︰「本身Natalie行程係東京，佢知道我喺大阪，無端端走嚟探我班，點知畀我捉埋開工。」Helen笑言自己的節目是首次有嘉賓出現。事實上Natalie正在東京學整麵包，今次是被好友臨時拉伕客串。 （編輯：游子欣）
（左起）唐詩詠到大阪探班，卻被杜如風拉伕擔任節目第一個嘉賓。（相關機構圖片）
杜如風離港當日，正好偶像梁朝偉獲獎回港，二人在機場緣慳一面。（相關機構圖片）
杜如風在大阪地標「百力滋人」前拍攝。（相關機構圖片）
激減十磅後的杜如風，手腳回復纖幼狀態。（相關機構圖片）
杜如風在《解風東京》的「道路維修員」造型極受網民歡迎，今次她承諾會有更多 cosplay。（相關機構圖片）
下載APP