台灣「文藝天后」劉若英將於明年1月7日，喺澳門威尼斯人金光綜藝館舉行「劉若英《我敢Renext》世界巡迴演唱會」澳門站，門票於今日（25日）早上10時公開發售。劉若英今次嘅巡迴演唱會於去年9月，喺福建泉州開跑，之後去到紐約、洛杉磯、上海及香港等地，觀眾反應熱烈，北京站更出現門票瞬間沽清，為佢嘅歌唱事業畫上新嘅里程碑。
劉若英將於明年1月7日喺澳門舉行演唱會。
劉若英出道至今20年，曾推出〈後來〉、〈很愛很愛你〉、〈成全〉及〈一輩子的孤單〉等無數扣人心弦嘅歌曲。除咗專輯銷量屢創佳績，劉若英仲係繼鄧麗君及李宗盛之後，第三位登上美國音樂殿堂紐約林肯中心嘅華語歌手。喺澳門演唱會上，劉若英除了演繹新歌同經典金曲，為求突破，佢仲會嘗試控制現場燈光同音效，以行動展示演唱會主題嘅含義。
劉若英演唱會門票於今日早上10時公開發售。
下載APP