何超儀（Josie）今年6月在澳門出席活動時突然透露老公陳子聰（Conroy）健康出現問題，情況令人擔憂：「佢有啲好棘嘅病，又唔係話一定會死，但真係好棘。我唔OK，其實依家好想爆粗，但因為我家姐嘅大喜日子，所以我唔爆住，遲啲講。」Josie因照顧老公壓力不輕，日前便在鄭裕玲（Do姐）的節目內公開受訪，又該陳子聰親自開腔大談近況。
為Do姐的YouTube頻道「The Do Show」接受訪問，Josie首度透露老公因大動脈撕裂險喪命，更令全身器官受到影響。她憶述老公有「三高」，在2016年時患上肝硬化及直腸炎，她表示：「喺醫院吊鹽水，又唔食得嘢，瘦到好似骷髏骨頭。開過肚後來好返，好靚仔、好健康，佢都覺得自己都幾好喎。」
陳子聰在身體一度好轉後，再度回復吸煙及大吃大喝的不良習慣，在去年10月回到澳洲探親，在當地的最後一日出事暈倒入院，Josie說：「佢肚臍以下嘅大動脈爆咗，一肚都係血！佢一開肚啲血流到一地都係，首先攞晒啲內臟出嚟洗，係成副架生要拎出嚟洗，重要攞鉗夾起小動脈，即刻切咗壞咗嘅部分。醫生話入面爛晒！」
陳子聰術後換了人工動脈，但因直腸炎又要即刻處理。在搶救過程中意外尿道受損，腎臟亦出狀況。Josie形容：「做完手術佢個肚好多風，脹到好似有咗九個月。我見到佢時傷口未縫合，用類似保鮮紙嘅嘢包住，因為要等四日放返好啲嘢。」醫生坦言只能與她一齊祈禱。
駁了尿喉的Conroy一直昏迷，排出來的不是尿液而是黑血，醫生形容他差不多用光血庫的儲備。Josie見他雙腳變紫又冰冷，差點要切除雙腿。但她擔心暖包會灼傷正在昏迷中的老公，所以暴食增肥每日為他暖腳。最終他在昏迷了個多月才蘇醒。Josie透露當時情況：「最初放尿有啲黑血，醫生擔心佢好多毒素喺體內，排唔到出嚟，幫佢做咗個造口排便，醫生話呢個造口應該係永久性；又開咗個永久導尿管，幫佢不斷洗腎，可能呢世都要洗腎。」Josie坦言自己壓力大：「我响醫院控制住自己，匿喺房度喊。」幸好Conroy在12月開始接受物理治療後日漸康復，她再安排老公坐醫療專機返香港診治。
她不想老公揹著尿袋及造口過一世，便找來全球最好的醫生為他在美國重建尿道，先在體內放兩個支架，休息10個月待傷口完全康復後便做手術。Do姐亦以電話訪問Conroy，他回應近況：「我已經好返啲，多謝關心。依家每星期做四次物理治療，做返我本分再去做手術。」
他直言感謝太太的細心照顧：「喺呢種情況下咁照顧我，我好感動，佢日日睇住我，同醫生討論點醫我，去幫我康復。我經歷呢次之後，更加珍惜人生，好感謝身邊嘅人。生命好重要，有乜嘢唔開心，你可以去應付，如果你經歷呢種情況，你會知道生命好緊要，所以祝人身體健康係好緊要。」
（右起）何超儀接受鄭裕玲訪問，談到老公陳子聰做手術的詳情。（相關機構圖片）
（左起）Do 姐在訪問最後，擁抱 Josie 並給她鼓勵及支持。 （相關機構圖片）
（右起）陳子聰去年10月在澳洲暈倒入院後情況嚴重，何超儀為照顧他付出不少心力。（圖：何超儀 IG）
訪問末段陳子聰在電話訪問中回應目前已逐漸康復，又直言身體健康很重要。（圖：何超儀 IG）
下載APP