香港人氣樂隊Dear Jane 還有一個月便會來澳門舉行《Dear Jane What’s Happening Live 2023 澳門站》演出，樂隊成員黃天翱（Tim）、黎俊華（Nice）、翁厚樑（Howie）及伍漢邦（Jackal）四人異口同聲表示好開心可以响9月9日返嚟澳開騷。
四子坦言2017年在澳門開騷的氣氛非常之難忘，今次相隔六年再度來澳，門票一開售就售罄令他們感到驚喜，又笑言：「唔想唔等咁耐，想明日就過嚟開騷。」他們又指在這六年內，把生活中的經驗及感受都寫入了歌曲內，今次會把這些作品帶過來唱給大家聽。
提到對澳門的印象，四子都離不開美食，Nice叫澳門的朋友在成員的IG帖文下留言介紹餐廳美食，Jackal直言：「你哋話想我哋唱咩歌嗰啲唔會理，係睇你哋介紹美食嗰啲嘅啫！」
主音Tim透露今年上半年有很多crossover的合作，下半年就好多演唱會等演出活動。他表示：「我哋都會繼續出新歌，主要都係出騷同做歌，Keep住忙碌對我哋玩音樂嘅人嚟講係好開心嘅事。」 （資料提供：棋人娛樂）
搖滾樂隊Dear Jane 將於 9月9日在澳門開騷，四子同表示掛念本澳美食，希望大家能推介一下。（相關機構圖片）
下載APP