現年65歲香港富商劉鑾雄（大劉）為防發生爭產事件，高調宣布和女友呂麗君斷絕關係，兩人連日來多次隔空發功，惹來全城關注。昨日，有消息指大劉本月18日已入紙申請，和另一女友陳凱韻（甘比）註冊結婚。甘比等了十幾年，終於坐正做劉太，事件峰迴路轉，令大批網民看到「O嘴」。
甘比和劉鑾雄拍拖14年，如今終於「升呢」做劉太。
早前，大劉於各大報章頭版刊登聲明，高調和舊愛呂麗君劃清界線。隨後，呂麗君三度發表聲明回應，她先以「老公」稱呼大劉，除了強調一家和睦，更大讚大劉是愛護仔女的好爸爸。不過，大劉和另一女友甘比，原來早在本月18日已正式排期註冊，甘比等了十幾年終於守得雲開，最終坐正做劉太。
劉鑾雄宣布和呂麗君斷絕關係後，兩人連日來多次隔空發功。
大劉早有結婚計劃
在回應婚訊時，大劉透露早於數年前已有結婚計劃，問他為何選擇與甘比再婚？大劉說：「甘比唔貪錢，好單純，唔係壞女人，一直好照顧我同仔女，唔似其他人十幾年來經常去公幹。」而鮮有公開發言的甘比難得回應：「多謝，呢個係人生中最開心嘅事！」隨後，呂麗君亦公開祝福大劉：「希望他幸福快樂，快樂是最好的療傷！」
劉鑾雄本月18日向婚姻註冊處入紙申請，和甘比註冊結婚。
甘比轉數快討歡心
現年37歲的甘比原本是娛樂版記者，因採訪工作和大劉結緣，並先後為大劉誕下一女一仔。甘比2008年誕下女兒後，呂麗君自居「劉太」並質疑甘比女兒並非大劉骨肉，令大劉勃然大怒。其後，甘比日漸得寵，有傳她轉數快討得大劉歡心，其姊姊及妹妹亦在大劉幫助下到外國升學，後來甘比更加入大劉公司成為執行董事。
甘比因採訪工作和劉鑾雄結緣，並先後為對方誕下一女一仔。
下載APP