近日，香港富商劉鑾雄（大劉）喺多份報章頭版刊登聲明，高調同女友呂麗君斷絕關係，更公開大罵對方貪得無厭，惹嚟全城關注。對此，呂麗君先發表聲明以「老公」稱呼大劉，強調一家和睦。隨後，佢再透過「呂麗君基金會」發聲，大讚大劉係愛護仔女嘅好爸爸。對於有關資產分配及爭產等傳聞，呂麗君呼籲外界唔好過多揣測，仲話希望大劉早日康復。
呂麗君連日嚟同劉鑾雄隔空對招，成為全城熱話。
呂麗君喺大劉高調宣布同佢劃清界線後，已兩度發出聲明回應。噚日，呂麗君再度出招，佢透過律師發表聲明，今次聲明中用「劉先生」稱呼大劉，明顯關係生疏咗。呂麗君話唔希望一對仔女成為傳媒談論嘅對象，亦唔會向大劉及相關人士提出法律訴訟，佢話：「只要與劉先生繼續保持和睦的關係，就如同普天下所有父母期望的那樣，把最好的一切留給子女，就足夠了。」
呂麗君發表聲明話唔會向大劉提出法律訴訟。
下載APP