羅立文：工作不足會恆常優化

內港北雨水泵站。（資料圖片）

繼審計報告後，廉署報告日前出爐，運輸工務司司長羅立文今（19）日出席活動時表示：「我冇嘢回應，因為一般啲報告出嚟，咁多年都冇乜出過意見。」拒絕就廉署報告作出回應。在記者追問下，他表示，「我做極，工夫都做唔完，你哋個個曾經都做過學生，你哋個個係咪都100分？如果check我做錯嘅嘢，我一定有錯嘅嘢，第一我係人，我唔係機械人，我做唔嗮我啲工夫。第二冇可能全部100分，我讀書都唔係100分，所以唔係依家大個仔，老咗臨「執笠」先100分，我肯定唔會100分」。他表示，對於已完成做得不足的工作，運輸工務範疇會恆常性優化，又稱「是人一定有做錯」，多次表示「唔係次次 100分」。

審計署早前公布《內港北雨水泵站箱涵渠工程的建設》衡工量值式審計報告，發現動用逾億公帑建設的內港北泵站，實際上只能應付十年一遇降雨強度。羅立文再以涉及技術問題不便回應為由拒絕回應相關問題，在記者追問下，他表示「（內港北）呢個工程唔係我哋做㗎，大家都知道，南邊個度係我哋做，所以我唔會出意見」。記者再三追問下，羅立文謂：「我只能講一句，我哋有我哋角度做工夫，因為我哋係一個技術部門，其他權限部門做研究、出報告，當然有佢哋睇法，所以關於佢哋嘅報告，我唔會作出任何意見。」

羅立文又表示，在技術方面，局方會做好「工夫」，又強調「我哋係人，做嘅工夫唔係百分之一百（滿分），我讀書都唔係100分㗎，我只能盡量做好我嘅工夫（工作）」。

內港南完工可改善水浸情況

談及內港南工程時，羅立文直言「一定會有好多唔方便嘅嘢」，施工方面一定會有問題，因為內港為本澳舊區，未必有以前的圖則，局方難以掌握內港全部情況，且工程時間較長，大家都清楚工程定必對交通造成大影響，希望大家明白理解。

問及內港南工程落成後能否提升抗澇能力，羅立文給予肯定，「一定會好啲」，舉例指2021年北邊（內港北）落成至今兩年，相信大家都同意（水浸情況）「好咗」，局方有信心完成南邊（內港南）都會一定好。至於能否百分百解決內港水浸問題，他再稱，「一定解決唔到，呢個世界冇一樣嘢可以係百分之一百OK嘅」，但大家可以見到近兩年是有所進步，有信心完成內港南工程後，整個內港一定會有進步。

針對坊間有意見認為內港南是為內港北「補鑊」，彌補內港北的不足，羅立文笑言「我明白個中文，但我唔明白個意思」，又指上兩任政府當時已決定開展內港南北的工程，並交由兩個部門負責，認為這個決定正確。

檢討四次方決定調整批地金

同時，有傳媒問及當局調整批地溢價金計算基準，引述坊間意見指時隔十年才調整令增加金額較大，羅立文形容「故仔比較長」，指2014年「新土地法」生效，規定每兩年進行檢討，即2014、2016以及2018需要作出檢討，強調工務局有做「工夫」，但這三次作出的決定均是「唔好改」，重申「唔係冇做工夫，應該做嘅工夫有做」，直到第四次方決定更新，因此大家覺得差別較大。他進一步指，法律規定每兩年檢討一次，並非局方主動決定加或減，需要按照統計局數據去計算。

媽閣交通樞紐漏水是「小問題」

至於媽閣交通樞紐設施早前因暴雨而出現滴水及積水問題，羅立文稱上週六親身到場視察，承認如此大的工程會有小小問題，但並非很大問題，現時正處理，再次提及100分問題，「我80分已經滿意㗎啦」，又趁機對傳媒稱「唔好一個小小嘢整到咁大件事，唔值得又唔係咁嚴重，我承認係有問題，但係咪好似你哋講到咁大問題，好老實，我覺得唔係咁大問題」，他認為，如此大型工程，暴雨下難以確保滴水不進，「我自己間屋都入水」。