朝朝爆汗做瑜珈減壓林明禎浴袍Look與鴨同浴

朝朝爆汗做瑜珈減壓

林明禎浴袍Look與鴨同浴

14/06/2023

15731

近日不少朋友為了打卡兩隻橡皮鴨而到香港，大馬女神林明禎日前一身浴袍打扮現身香港大嶼山昂坪360，跟幾千隻鴨仔打卡：「十年前我重未嚟到香港，所以呢日係第一次睇鴨仔，聽到有幾千隻橡皮鴨喺度，所以好開心有機會嚟到打卡。」

原來明禎除了「追鴨」打卡外，更與橡皮鴨沖泡泡浴：「呢對橡皮鴨陪咗我成日啦，去咗唔同嘅地方打卡，帶咗佢地搭主題纜車同喺大浴缸浸浴，成個浴缸都係鴨仔，成功幫佢地搵翻啲『朋友』。」

明禎又話平時好需要「Me Time」，又話要流汗先有舒壓感覺：「平時早起我一定會做瑜珈，出晒成身汗就去浸泡泡浴，呢個係我解壓嘅最好方法。其實我屋企唔係好多『公仔』，但廚房嘅用具就係橡皮鴨，每次入廚都有好溫馨嘅感覺。我好想帶橡皮鴨返去馬來西亞，送畀我屋企人，尤其係我嘅姪女，我諗佢哋都應該會超級鍾意。」（編輯：游子欣）

林明禎日前一身浴袍打扮現身香港大嶼山與鴨同浴。（相關機構圖片）

林明禎表示今次是第一次在香港追「鴨仔潮」。（相關機構圖片）

林明禎跟幾千隻鴨仔打卡。（相關機構圖片）

林明禎在大嶼山遠眺大佛大讚美景。（相關機構圖片）

林明禎指發現昂坪原來四季風景都不一樣。（相關機構圖片）

林明禎浴袍Look與鴨同浴