又到年尾，聖誕、除夕佳節臨近，又係時候預早為另一半和家人計劃假期節目喇！加上今年路氹又有新酒店落成，連「巴黎鐵塔」、觀光纜車同摩天輪都有齊晒，幾乎變成一個綜合遊樂場，咁就腳，點可以唔去住吓玩餐飽？咪話唔提醒你，適逢年尾，各間酒店開始各出奇謀，大減價搶客，更推出多款住宿套票，兼送各種入場券和餐飲。優惠多到人眼花繚亂，唔知揀邊間好？咁就要細讀今期嚴選推介！
新濠影滙 免費坐8字摩天輪
話咁快新濠影滙就開業一周年，酒店甚有荷里活風格，除咗吸引不少型人潮人，其出名的娛樂設施，連一家大細都鍾意！為慶周年，酒店更特別推出「明星娛樂之旅」住宿套票，住一晚「明星滙明星經典客房」都只係港幣1,201元起，再加500元更立即升級至「巨星尊貴套房」，房客除可免費無線上網外，更可以去埋明星滙健身中心操fit吓。
全球獨有的8字形摩天輪，夜晚坐上去，可以睇到路氹燈光閃閃的景色。（相關機構圖片）
最抵係，套票包埋「影滙之星」即8字摩天輪門票兩張，兩個人可以浪漫一下；再送埋兩張「蝙蝠俠夜神飛馳」門票，可以扮蝙蝠俠體驗一下全球首個4D多媒體飛行。未玩夠的話，再用埋75折優惠買「魔幻間」門票，一張門票可穿梭三個劇院，睇晒多位國際得獎魔術師的精彩絕技。另外當然唔少得餐飲及消費券等，不得不提，酒店更特別送出以新濠影滙周年做主題的杯子蛋糕，夠晒Sweet啊！
只要加港幣500元，就可以升級至寬敞豪華的巨星尊貴套房，值得豪番晚。
日期：即日起至12月31日地址：路氹金光大道連貫公路
價錢：HK$1,201起
網址：www.studiocity-macau.com/tc/promotions
JW萬豪酒店 加199元豪華升級
JW萬豪酒店的豪華客房，既寬敞又裝修雅致，兼有優美景觀，都住得人幾心曠神怡。最近更有「隨心所想住宿禮遇」，豪華客房不過1,687元（澳門幣，下同）起，每間房只要加多199元起，就可享四選二的豪華升級禮遇。四種禮遇包括免費升級至坐擁泳池景觀的尊貴客房；若想歎美食的話，可以選囊括國際及澳葡地道美食的「名廚都匯」雙人自助餐、「大堂酒廊」雙人特色下午茶；亦可選雙人由澳門氹仔客運碼頭往香港的經濟艙單程船票，十分超值！
豪華客房雅致，景觀開揚，住客可享用免費無線上網、迷你吧、酒店健身室等。（互聯網圖片）
「名廚都匯」的自助餐搜羅國際及澳葡佳餚，主菜全部即叫即做，更有專屬海鮮區！
日期：即日起至11月30日（預訂及入住）
地址：路氹城「澳門銀河」綜合度假城 價錢：MOP 1,687
網址：www.galaxymacau.com/zh-hant/macau-offer/hotel-packages
永利皇宮 早鳥訂房著數多
古時皇帝出巡必住行宮，現代人放假都可以「入宮」豪玩，以花卉為主題的永利皇宮金碧輝煌，入住酒店就可試試帝王式享受。酒店有各種華麗套房任君選擇，想豪華的有「皇宮客房」，鍾意睇景可選「表演湖景套房」，想睇星星還有「天際花園別墅」等。現時只要提前七天預訂客房，即可享85折優惠；而提前14天，更可獲75折，真係愈早訂房愈著數！若再登記埋酒店的「Wynn Insider」計劃，更可額外再折！順帶一提，每位住客都會獲贈觀光纜車門票一張，夜間的表演湖水光閃爍，記得要睇。
永利皇宮的咖啡苑食物質素高之餘，更有表演湖靚景襯托。（相關機構圖片）
除此之外，永利皇宮另有「悠享晨光時刻」，能享標準房價九折優惠（Wynn Insider更有八折），可在咖啡苑一邊悠閒享受豐富自助早餐，一邊欣賞表演湖的晨早美景。
觀光纜車會順時針圍住表演湖運行，可於28米高凌空欣賞水舞表演。
日期：即日起至2017年9月30日
地址：路氹體育館大馬路
價錢：MOP 1,791起
網址：www.wynnpalace.com/tc/offers-n-packages/offers
巴黎人 七折體驗法式浪漫
如果重未去巴黎人的細碼版鐵塔打卡影相，就係時候喇！就算已經去過，都唔可以錯過入冬之後，走在鐵塔和精緻豪華法式建築之下，更加似置身花都的浪漫感覺。最近，酒店推出高達七折優惠的「澳門冬日姿彩住宿套票」，每晚只需港幣1,468元起，就可以入住雙人「豪華大床客房」，房內裝修當然充滿法式風情，連續預訂三晚更可免費升級至「艾菲爾客房」，擁有鐵塔景觀！ 「豪華大床客房」以紅色為主題，和大堂的凡爾賽皇宮風格一致，很有氣派。（相關機構圖片） 套票還包括雙人早餐或午餐，可任選餐廳，例如中餐，意大利菜或印度料理等等。食飽之後，當然唔少得休閒娛樂，可以四揀一：巴黎人鐵塔入場券、雙人「貢多拉船」之旅、兒童樂園入場券或雙人往香港單程船票都得。優惠期去到明年2月底，真係過埋個情人節都重得啊！ 要入住酒店，先可以影到呢啲角度，超似真版鐵塔下的巴黎街頭！ 巴黎人酒店內齊集多個全澳獨有的時尚品牌，一於慢慢逛唔使趕住走。 日期：即日起至2017年2月28日（預訂及入住） 地址：路氹金光大道連貫公路 價錢：HK$1,468起 網址：hk.parisianmacao.com/macau-hotel/promotions-offers/winter-celebration.html
下載APP