台灣天王周杰倫（周董）老婆昆凌，去年7月誕下女兒Hathaway後，今年年初積極復出，最近忙於拍攝新戲進軍荷里活。日前，有台灣媒體大爆昆凌係「雙面甜心」，話佢喺拍攝之前一定要敷面膜，仲要工作人員服侍餵食，除咗只對資深攝影師笑臉相迎，仲專登同小朋友玩延誤工作。對此，護妻心切嘅周董，即時喺微博發文力撑昆凌，獲唔少粉絲大讚Man爆。
周杰倫喺微博發文支持昆凌，獲唔少粉絲大讚Man爆。
對於被爆係「雙面甜心」，昆凌經理人即時出面澄清，佢話拍廣告期間根本冇時間敷面膜，工作團隊都大讚昆凌有禮貌、配合度高。對於有傳昆凌喺拍攝現場同小朋友玩延誤拍攝，經理人話根本係無稽之談，佢話：「休息室並沒有外人，不知道這個消息哪裡來的？」見到昆凌畀人抹黑，周董即時於微博發文護妻，佢話：「真是替爆料人捏把冷汗，這種亂掰算是小兒科等級，你乾脆說她是假面騎士好了，比較聳動」。
周杰倫同昆凌婚後仍十分恩愛，兩人不時放閃。
下載APP