姜濤的第11胎〈Dummy〉昨晚（29日）已在網上平台面世，這亦是他在2023年首支派台作品，甫上架不到半天便已達120萬瀏覽人次。新曲的誕生全因他在《叱咤樂壇流行榜頒獎典禮》上失控演出後的一次自醒作品，因此花上較多時間製作外，亦到台灣找來強勁幕後班底炮製MV，為姜糖送上遲來的驚喜。
姜濤本打算在年初推出一首曲調輕快的作品，但自《叱咤》事件後，他覺得要即時推出一首能夠道出心聲及提醒自己的作品，姜濤道：「《叱咤》之後，對於自己好多表現都好唔滿意，所以希望出一隻自嘲嘅歌，同時藉歌曲提醒自己要保持清醒，觀眾無論鬧或讚，我都能夠勇於去接受。因為有人鬧、有人話，都好過冇人留意，而且自己重有好多進步空間。因為想帶出呢個Message，所以用咗3、4個月籌備歌曲。」
〈Dummy〉由KW朱敏希作曲、梁栢堅填詞、Y.Siu編曲、Edward Chan監製，姜濤指當初聽到Demo還以為是來自臺灣的作品，他說：「我重問Edward係問有新嘅Demo來自臺灣，原來係香港作曲人，朱敏希都係第一次嘗試呢種快歌，但水準好高。至於梁栢堅，一直都有留意亦好欣賞佢嘅作品，佢平時嘅詞作同Social Media嘅Post都係比較玩味，今次〈Dummy〉想做到自嘲、自己都想笑自己嗰種玩味感覺，所以今次就有呢個班底組合。」
姜濤邀請了在臺灣被譽為鬼才導演伍致綸（Ares ）操刀拍攝MV，他愛用抽象畫面表達訊息，今次他為〈Dummy〉MV展現姜濤過去作品中未曾見過的藝術美。至於舞蹈方面，姜濤請來自己偶像羅志祥的御用排舞老師大目為新歌編舞，姜濤表示：「喺臺灣甚至香港，所有排舞老師都識大目，佢係一個非常有經驗嘅排舞老師，所以非常榮幸有佢嘅參與，而今次有臺灣團隊參與，都畀我好多新感覺、新體驗。」不過在舞步中，大家還要留意一下敲頭的動作，原來是姜濤自己構思出來，姜濤說：「一聽到〈Dummy〉嘅前奏時，第一時間就諗到敲頭、敲醒自己嘅動作，所以我有同大目老師講，我想將呢個動作放喺Signature Move入面。」
姜濤表示，對於某些聽眾來說，今次部分歌詞內容可能有點深奧，曲風較Dark但又偏向Pop，副歌好易入腦，假若大家只記得「Dummy」這一句歌詞，他都已達到目的了。他又補充道：「〈Dummy〉藉木偶題材去講返我自己。喺過去一段時間，自己慢慢都變成一個木偶，自以為可以做到好多嘢而唔知自己係一個被操控嘅木偶，希望自己可以覺醒，可以變成一個聽到人哋講嘢嘅Artist。」 （編輯：游子欣）
姜濤的第11胎〈Dummy〉昨晚（29日）已在網上平台正式上架，不到半天便已達120萬瀏覽人次。（相關機構圖片）
姜濤與經理人花姐在拍攝現場睇 playback。（相關機構圖片）
姜濤叫大家留意這個由他構思的敲頭動作。（相關機構圖片）
今次MV的舞蹈風格也與過往作品有所不同。（相關機構圖片）
（左起）有臺灣著名排舞老師大目在場指導，姜濤當然留心聽其講解。（相關機構圖片）
新歌〈Dummy〉是姜濤的自醒作品。（相關機構圖片）
〈Dummy〉MV由臺灣鬼才導演伍致綸操刀拍攝MV，畫面傾向以抽象方式表達藝術美感。（相關機構圖片）
姜濤請來自己偶像羅志祥的御用排舞老師大目（右五）及其舞蹈團隊坐陣。（相關機構圖片）
下載APP