來自韓國中小型藝人公司的女團FIFTY FIFTY近日爆紅受關注，憑歌曲〈Cupid〉（Twin Ver.）登上Billboard HOT 100，相比Blackpink、BTS出道日子更早獲得此榮耀，歌曲更打入音樂平台52個國家榜單，單日全球串流流量更比Newjeans高，而全球每月收聽人次更超越Blackpink成為女團首位！隊員Saena表示難以置信，Sio笑謂以為自己發夢：「我哋冇諗過呢首歌會咁成功，呢個真係超現實，但都全靠幕後嘅努力同歌迷支持！所以我們會更加努力創作，並在未來分享更好的音樂。希望大家留意我哋。」
為慶祝FIFTY FIFTY取得佳績，唱片公司更在香港銅鑼灣購買大型廣告板，成為歌迷打卡熱點，成員Saena對海外成績感興奮：「呢首歌嘅Message係『靠自己改變命運』，可能於日常及感情都會有唔完整嘅時候，好似邱比特連錯咗一對情侶咁。但係我哋只要唔依賴邱比特，增強自信同令自己變得更好就可以改變命運，所以同我哋組合嘅座右銘係一樣。」
今次新歌同時推出英文及韓文版本，令到FIFTY FIFTY在外地爆紅，成為影片平台熱搜組合，成員Aran就希望去海外與歌迷見面：「今次歌曲有兩個版本，我覺得兩首歌形式都唔同，大家可以享受唔同嘅版本。其實我哋一直都好刻苦練習，希望將最好嘅表演帶畀觀眾，希望大家可以期待新嘅音樂。如果有機會都想同香港嘅藝人合作，可以傾下點Cross Over。」 （編輯：游子欣）
（左起）FIFTY FIFTY成員Aran、Saena、Keena及Sio。（相關機構圖片）
〈Cupid〉（Twin Ver.）韓文和英文版本採用不同混音風格，成員Keena負責填詞，Saena則負責排舞，屬團隊的心血結晶。（相關機構圖片）
唱片公司在香港銅鑼灣以大型廣告板慶祝FIFTY FIFTY取得佳績。（相關機構圖片）
下載APP