COLLAR成員蘇雅琳（Ivy So）首次拍攝ViuTV新劇《和解在後》，她大讚劇組台前幕後都十分溫柔善良，笑謂這裡宛如「養豬場」：「譬如我去美術部、機燈組、梳化服，佢地都會係咁餵我食嘢，不斷供養我。咁樣每日一啖，就唔小心養肥咗。監製有講笑話我中間有段時間肥到唔連戲。」Ivy更笑指因為常被導演兼主演的ToNick樂隊主音趙善恆（恆仔）取笑對零食毫無抵抗力，所以拍攝期間每日都有固定的禁食時間和頻密做運動，以保持狀態。
恆仔對首次拍劇的Ivy表現讚不絕口：「由第一日好緊張去到依家好從容去處理拍攝，佢嘅進步係十分驚人。同埋睇得出佢非常勤力，做咗好多功課，每一頁劇本都寫咗好多Notes，所以由一開始已經可以將角色拿掐得好好。」今次在劇中驚喜現身的尹光笑言除了拍劇之外，有機會的話亦想和恆仔在音樂上合作：「導演肯同我拍檔一齊Rap下，係我光榮。最好搵我一齊Jam下歌。」 （編輯：游子欣）
COLLAR成員Ivy So首次拍劇，笑言被劇組餵食如置身「養豬場」。（相關機構圖片）
導演兼主演的趙善恆大讚Ivy So表現出色兼勤力。（相關機構圖片）
劇集講述一眾調解員在處理不同案件時，各人從中面臨抉擇和成長的故事。（相關機構圖片）
尹光期待跟趙善恆一齊 Jam 歌 Rap 下。（相關機構圖片）
下載APP