視后胡定欣於《廉政狙擊》大結局一場挾持復仇戲演得扣人心弦，當然黃智賢嘅好戲反應亦應記一功。（相關機構圖片）
胡定欣與黎燕珊一場「探監日曆獨白戲」，兩人又喊又笑天然無縫的感動樣，兩人演技超晒班。（相關機構圖片）
黎燕珊（左）呼天搶地直奔瓦礫堆搵仔女，演技亦被網民大讚精彩。（相關機構圖片）
由邵氏兄弟及優酷聯合出品《廉政狙擊》前晚（25日）播出大結局，胡定欣長達15分鐘的晒冷戲碼大爆發，與大奸角黃智賢互鬥演技，連獲兩屆視后級數演技非常精彩。兩人與飾演胡定欣媽媽黎燕珊，齊齊被封為「好戲MVP」。
劇中屠敏（胡定欣飾）挾持卓家場口，全程演技直達神級。她先是一臉藐視的連番指摘卓廷光（黃智賢飾），再激動地槍指卓太（羅霖飾）及卓日升（高鈞賢飾），並極速轉換於「陰森大笑」、「悲憤」及「暴怒」之間；定欣的演出可謂一秒之內演盡情緒過山車，令劇中的復仇元素更添「爽」味。
屠敏面對以凡（吳卓羲飾）及從後趕來阻止她錯下去的子峰（黃宗澤飾）亦明顯不同。面對以凡的激動屬於「痛心疾首」；面對子峰的激動屬於「絕望」但又帶著託付意味。定欣最亮眼的演出，除了是眼見廷光向靈位逐個叩響頭時的「漸進式悲憤」情緒外，當其向子峰激動地咆哮道：「我要佢還返個屋企畀我！」眼淚竟能隨著對白及角色情緒的演變慢慢增量。
除了定欣，結局另外兩位好戲MVP非黎燕珊及黃智賢莫屬。在內地被評為劇中第四位好戲之人的燕珊成為「洋蔥擔當」。一場「探監日曆獨白戲」竟能由「開心幸福」讀至涕淚縱橫，甚有功架。
而自劇集播出後一直被讚好戲的黃智賢，結局亦憑「超級歪理」成功突圍，包括：「你唔可以乜嘢都怪晒我，如果唔係佢哋賴死唔走，我使乜諗咁多嘢嚇走佢哋」、「我冇殺人，你唔好乜都入我數」、「點解你會講極都唔明（明明唔明嗰個係佢）」、「你咁樣講係扭曲咗我嘅原意」等，黃智賢仿如鑿了「我有咩問題？」五個字在額頭，難怪獲封為新一代歪理王「丁蟹2.0」。
下載APP