VB歌唱真人騷《中年好聲音》在星期日（26日）晚播出將進入十強激戰首個回合《煇黃經典》，出場序將根據參賽者年齡由高至低排起，故此打頭陣是大熱門吳大強（Bill哥哥），以「療愈」見稱的Bill哥哥，是次搖曳台風歸位又唱又跳〈L.O.V.E.〉，更大送心心，非常討喜。雖然傾情獻唱，但評審們卻唔多受落，出名嚴格的嘉賓評審舒文便直指Bill哥哥欠變化：「成件事最唔好啲係La La La嗰段，因為La擺得太低，變咗好似好慢好悶咁。」周國豐則直指Bill哥哥關鍵失分是「一個頂幾個」，並笑言應該請四名囝囝助陣：「一個人頂晒呼吸方面會出現難題，不如你搵埋你嗰四個仔喺後面幫手，佢哋唔唱，淨係La La La同幫手跳舞，畫面都肯定好正。」到底Bill哥哥最終會否因一時失手大熱倒灶呢？
今集賽果可算出人意表，除了Bill哥哥，另外三位人氣選手顏志恒、林鉫徫及周吉佩亦先後出狀況。一心以勵志Tone獻唱〈擇星〉的顏志恒，未有留意歌詞中的故事性而滑鐵盧，周國豐：「唔可以隨便改結構，影響咗故事性，帶唔出應有嘅Message」，伍仲衡：「你有時改咗啲Phrasing好怪，又唔會令我覺得好聽咗。」肥媽更直指志恒咬字有問題。至於自彈自唱〈畫出彩虹〉的周吉佩，雖然表演極盡視聽之娛，但卻因選錯Key失卻不少分數，並遭舒文即場要求升一度重唱一段，情況同樣令人擔心。 （編輯：游子欣）
吳大強今次邊唱邊跳，更出埋招牌動作。（相關機構圖片）
周吉佩畀舒文要求重唱，到底係好事定壞事？（相關機構圖片）
與以往完全不一樣的甜美 Tone 林鉫徫，唔知大家又受唔受。（相關機構圖片）
龍婷今次首度在節目上唱廣東歌〈焚心以火〉。（相關機構圖片）
（左起）本回合評審：周國豐、張佳添、肥媽、舒文（嘉賓評審）、伍仲衡。（相關機構圖片）
下載APP