張國榮（哥哥）從未曝光的歌曲〈最愛是誰 My Dearest〉，是從1989年張國榮推出的專輯《Salute》的母帶中尋到，而且當時已經是完整的作品。今次環球唱片決定在《REMEMBRANCE Leslie》中將歌曲曝光並全新編曲，MV則邀請到李麗珍擔任女主角，她聽過Leslie演繹的〈最愛是誰 My Dearest〉後，覺得比原版沒那麼傷感，她說：「唔係淨係Sad（傷感）咁簡單，會諗起我嘅熒幕初吻，自己嘅初戀啦，初戀、失戀；開心、唔開心，好多方面嘅嘢會喺個腦鑽出嚟。」
回想起與Leslie合作拍攝電影《為你鍾情》時，珍妹透露當年還是新人的她非常緊張：「佢嗰時係紅到發紫，我見到佢有啲緊張，後來發現佢好平易近人，好主動走埋嚟問『你就係珍珍呀？』好似畀咗個膽量我可以同佢傾偈。」珍妹坦言當時怕醜得不敢直視哥哥，但對方卻沒有給予壓力，令她可以輕鬆地完成拍攝。她亦形容哥哥是一位性格活潑的人：「唱快歌好投入，所以佢有兩種味道。」 （編輯：游子欣）
李麗珍憶述與張國榮拍攝電影《為你鍾情》時自己是新人，哥哥已經紅到發紫，卻平易近人主動跟她聊天打開話題。（相關機構圖片）
李麗珍為張國榮的〈最愛是誰 My Dearest〉擔任MV女主角，一鏡到底拍攝時真情流露。（相關機構圖片）
下載APP