黃凱芹指呂方在幾日內可以瘦咁多，瘦身公司應找他合作。（相關機構圖片）
呂方開騷以靚聲取勝，他笑言自己跳舞似碌木。（相關機構圖片）
呂方自爆兩歲半的囡囡表演慾強又懂擺甫士。（圖：呂方微博）
呂方為慶祝入行40年一連兩晚在香港紅館舉行的《呂方 Classic 40演唱會 》，昨晚（4日）舉行首場，邀得譚嘉儀、杜德偉（Alex）和黃凱芹（Chris）擔任表演嘉賓，並獲四大天王黎明、郭富城、劉德華、張學友，及成龍等好友送上花籃，而呂方的太太和女兒均有到場支持。
呂方演唱過首本名曲〈聽不到的說話〉、〈只因我太痴〉和〈你令我快樂我過〉後，便幽默大搞氣氛：「好多謝大家今晚冒住生命危險來睇演唱會，因為不用戴口罩，多謝大家咁多年支持我，今晚係疫情後，第一個唔使戴口罩嘅紅館演唱會畀我遇上，開心到鼻涕都流埋。原本個演唱會係三年前開，因疫情取消了，反而撞上入行40年。」
呂方又自謔是香港樂壇其中一個好木獨、唱歌企響度唔會郁、又無台風、一碌木咁樣唱了40年，但其實是跟師祖關正傑學的，接著唱了多首對方的名曲。Chris於Encore環節出場，二人合唱過〈情深緣淺〉後，呂方落力為Chris今個月中舉行的演唱會宣傳，Chris稱讚呂方：「今晚你特別靚仔，同幾日前綵排好唔同，瘦咗好多，我有睇你嘅飲食視頻，你好叻煮嘢食，一定有秘方，抵你嘅！」呂方笑道：「抵我肥？」Chris續指瘦身公司好應找呂方合作，幾日時間就可以瘦咁多。此外，呂方還有兌現承諾的跳舞，雖然只是稍為「郁動」，但他表示已盡了力，笑問觀眾收唔收貨，觀眾即大叫：「收貨！」
演唱會期間，呂方唱出〈養你一世〉時，大銀幕播出他和太太與女兒的一家三口生活照，相當溫馨幸福。呂方提到今次是囡囡第一次睇他的演唱會，他指囡囡兩歲半便懂得唱他的〈雪山飛狐〉，咬字清晰令他吃驚。他又爆囡囡很有表演慾：「佢第日都唔使我培育喇！好鍾意搶風頭，影相自己識擺甫士，唔知點解⋯⋯你睇我個樣都唔識擺甫士啦！」
下載APP