日前趙增熹和歌手譚芷昀（Celine）出席活動時在晚宴中合作表演〈Stand By Me〉、〈愛是永恒〉及〈My Heart With Go On〉多首名曲。趙增熹笑言自從擔任比賽評判後，不時接拍廣告，但仍未習慣：「其實都怕見到自己個樣，好在早排都重有口罩令可以遮住先，不過去到餐廳都會畀人認得叫我『趙生』。」拍得廣告多自然豬籠入水，趙增熹笑言理財都係靠專家：「依家都唔可以叫『上咗岸』，不過依家工作係我嘅夢想，好似依家想做教育，要啲收入去圓夢囉。」
他又透露是自己提議搵Celine合作演出：「其實我都係佢嘅Uncle，識咗佢十年啦！當年佢嘅唱功都勁到嚇親人，其實佢係我音樂製作嘅學生，所以我哋不時都會合作同表演。近年都好多創作歌手，每位都想同佢哋合作，好似『中學師弟』林家謙一齊玩下都好，早前GiGi演唱會都知Edan有作歌，但凡係唱作人都埋嚟啊，都想有啲火花。」
呢晚資深股評人胡孟青亦為座上客，趙增熹笑言與對方不時見面，更用演唱會飛交換投資心得：「青姐就好鍾意睇演唱會，所以一有騷就會叫我買，我就會問下佢啲投資心得，不過有啲騷太爆我就愛莫能助，但早前GiGi個騷我有份做，先可以幫到佢買飛。」 （編輯：游子欣）
（左起）在活動上譚芷昀（Celine）演唱，並由趙增熹以鋼琴伴奏。（相關機構圖片）
Celine妹妹在十歲時因參加《全美一叮》而一鳴驚人。（相關機構圖片）
初出道曾被指過分老積的Celine妹妹，今年已經15歲。（相關機構圖片）
（左起）胡孟青、趙增熹及譚芷昀（Celine）。（相關機構圖片）
下載APP