去年7月，內地歌手張靚穎喺長沙演唱會上，向拍拖13年嘅男友兼經理人馮軻逼婚成功。早前，有傳兩人將於意大利舉行婚禮。怎料，張靚穎媽媽突然殺出反對婚事，仲鬧爆未來女婿唔係好人。點知幾日後，張靚穎喺32歲生日會上，同馮軻及媽媽開心同台影相，「一家三口」突然轉呔嚟個世紀大和解，令圍觀嘅網民都睇到「O晒嘴」。
成功勸掂媽媽後，張靚穎同馮軻嘅婚事將如期舉行。
張靚穎成功勸掂媽媽後，同未婚夫馮軻嘅婚事將如期舉行。噚日，馮軻於微博貼出一輯同張靚穎影嘅婚紗相，相中一對新人除咗著住傳統婚紗禮服依偎合照，亦有好「玩嘢」咁坐喺麻雀枱打牌，同埋喺火鍋店食串燒呢類好有特式嘅婚紗相。馮軻更發文話：「就這樣陪著你砌長城，吃串串兒，一直到老。」
馮軻貼出一輯同張靚穎打邊爐食串燒嘅婚紗相。
下載APP