日前，劉嘉玲、張智霖、袁詠儀、諸葛紫岐與老公薛嘉麟等現身澳門出席公開活動。劉嘉玲以一身黑色性感打扮亮相，她透露老公梁朝偉（偉仔）剛從意大利返回香港，將為主演的新戲《擺渡人》獻唱主題曲。劉嘉玲爆偉仔獲張學友和陳奕迅（Eason）兩大「歌神」教路，笑稱老公「好大牌」。
梁朝偉和金城武主演的新戲《擺渡人》於下月正式上映。
劉嘉玲爆梁朝偉開金口唱歌，獲張學友和陳奕迅兩大「歌神」教路。
在接受訪問時，劉嘉玲表示自己從北京直飛澳門，老公偉仔則在意大利拍完新戲《歐洲攻略》回到香港，夫婦二人還未見到面。被問到會不會和偉仔一起放假去旅行？劉嘉玲說：「會休息一下，但偉仔都好忙，佢最近為電影《擺渡人》配音同錄歌，係唔係好特別呢？佢搵咗Eason幫佢錄Demo，學友就在旁指導，真係好大牌。」
有張學友親自指導梁朝偉唱歌，劉嘉玲笑稱老公好大牌。
爆偉仔冇太大信心
對於偉仔相隔多年再度開金口唱歌，劉嘉玲坦言老公沒太大信心，她說：「佢真係好耐冇唱歌喇，其實偉仔都十五十六，而家有兩個『歌神』陪佢會好啲。」問到平時偉仔在家有沒有唱情歌冧她，劉嘉玲笑言：「佢平時都喺屋企練歌嘅，唱得很有感情，不過有陣時都係會走音，但我好鐘意聽佢唱歌，學友都會嚟屋企指導，真係冇得頂。」
諸葛紫岐同老公耍花搶
談到偉仔將要到早前曾發生地震的意大利拍戲，劉嘉玲表示：「震央離拍攝現場都有啲距離，我叫佢儘量小心，但都擔心唔到咁多。」此外，同場的諸葛紫岐同老公薛嘉麟則當眾耍花搶，諸葛紫岐透露老公下月生日，會送手錶作為禮物，款式由老公挑選，薛嘉麟聽聞表示：「你大鑊了。」諸葛紫岐則說：「佢嘅錢係我嘅，我嘅錢係我自己嘅。」
諸葛紫岐和老公薛嘉麟不時公開耍花槍，表現恩愛。
下載APP