現年49歲嘅謝天華，憑TVB劇集《潛行狙擊》中「Laughing哥」一角，成功打響知名度。佢2005年同圈外女友Tina結婚，婚後兩人積極「造人」，歷經四次人工受孕，去年如願誕下兒子「天天」。近年轉戰內地發展嘅謝天華，日前被爆喺演出期間，背住老婆同內地網上紅人「約炮」，惹嚟網民熱烈討論。
謝天華被爆背住老婆「約炮」，惹嚟網民熱烈討論。
日前，一名內地網民公開一篇以「我和Laughing哥睡了」為題嘅文章，聲稱自己同謝天華喺廣州「約炮」，並大讚謝天華人好、吻技一流，言語十分露骨。網民又指趁謝天華沖涼時，偷影咗佢嘅手錶同卡片。消息傳出後，謝天華即時喺微博澄清傳聞，佢嬲爆話：「一張照片、一堆文字，想一夜成名做網紅，不如真真正正腳踏實地去幹活吧！」
謝天華同老婆多次人工受孕，去年如願誕下兒子「天天」。
下載APP