身為《開心無敵獎門人》「獎老」的麥美恩（Mayanne），在昨晚（27日）一集「獎門人」巧遇緋聞男友許文軒（Edmond）做嘉賓，兩人被逼把緋聞擺上枱，全晚大耍花槍，場面搞笑。蕭正楠則借遊戲來曲線爆老婆唔鍾意洗腳，又曲線放閃示愛「我愛呢個港女」。
緋聞男女麥美恩（Mayanne）和許文軒（Edmond）身上，兩人全晚大耍花槍，場面搞笑。兩人被安排在首個遊戲「開心無敵夾多士」同場上陣，Edmond全程怕醜仔上身，Mayanne則大方要求以正面和Edmond夾多士，最終兩人多士夾唔成， Mayanne更硬咀落Edmond的額頭，唇膏印留在Edmond額頭。之後Edmond進行大反擊，講出「十個Mayanne嫁唔出」的理由，竟瘋狂攻擊Mayanne「龍躉」、「胸太細」、「太大食」等，最後更爆料：「佢唔識煮飯，淨係識打邊爐。」真嘢攞出嚟講，認真大膽。
至於蕭正楠則挑戰老婆黃翠如的底線，被要求講出「港女老婆」的特徵時，他答問題前先備定案說：「我唔係影射緊某人！」之後他再一輪嘴說出「鼻鼾大」、「唔鍾意洗腳」、「洗完頭唔自己吹頭」、「攞臭豬肉煮餸」等，但最後都補番句：「無論點都好，我都係愛呢個港女。」實行曲線放閃?老婆。 （編輯：游子欣）
麥美恩在「開心無敵夾多士」遊戲中，與緋聞男友許文軒正面對撼，硬咀在他的額頭上。（相關機構圖片）
許文軒在「開心無敵爆大波」遊戲中，竟大膽講出「十個Mayanne嫁唔出」的理由。（相關機構圖片）
蕭正楠曲線向老婆黃翠如示愛。（相關機構圖片）
（左起）黃浩然及黎耀祥在玩彈遮遮遊戲時渾身濕透。（相關機構圖片）
（左起）黎耀祥、陳自瑤、蕭正楠、黃浩然、張振朗及賴慰玲齊齊食辣辣壽桃。（相關機構圖片）
徐麟（左）又再客串做「獎老」大放笑彈。（相關機構圖片）
下載APP