P1X3L昨日（26日）舉行「P1X3L你喺邊“Wherever You Are”分享會」，親身與粉絲會面，並宣傳推出全新單曲〈Wherever You Are〉，又直言感激Puzzles（粉絲暱稱）一直的愛戴與支持。
三人出場時表示：「我哋本身想出快歌，維持返一貫唱跳形象。不過今次作品想提及粉絲，答謝對我哋嘅支持，所以想試吓慢歌。」P1X3L和新歌MV導演在現場與透過大熒幕睇MV，更分享當日拍攝趣事。三人對在天台拍攝羽毛散落的場景最深刻，因為鼻和口都吸入了不少羽毛，之後更辛苦導演團隊執拾了三日。
P1X3L與粉絲大玩遊戲，其中吳啟洋 （Phoebus）使出真功夫，一邊用腳背勾實足球，一邊清唱新歌，最後帶領同隊粉絲贏得遊戲。活動完結時Phoebus突然感觸流淚：「一直想做好作品畀大家，有時會擔心嚟緊重有冇得出歌，又想下年做演唱會。無論之後條路係點，多謝強勁後盾 Puzzles。」 （編輯：游子欣）
（左起）P1X3L成員葉振弘（Marco）、歐鎮灝（George）及吳啟洋 （Phoebus）出席新歌宣傳。（相關機構圖片）
P1X3L三子一出場便唱慢歌。（相關機構圖片）
P1X3L與眾歌迷Puzzles合照。（相關機構圖片）
下載APP