香港女子組合Cookies前成員吳雨霏（Kary），去年7月同圈外男友洪立熙（Brain）拉埋天窗。今年4月，另一成員楊愛瑾（Miki）亦同長跑多年嘅永安太子爺郭永淳簽紙結婚。噚日，Miki於Instagram宣布「造人」成功，佢貼出一張同老公嘅搞鬼合照，並用英文發文：「小東西，你令我們變得失控！」與此同時，好姊妹Kary卻傳出早前不幸流產。
楊愛瑾貼出同老同嘅搞鬼合照，宣布「造人」成功。
噚日，有消息話Kary於今年2月「造人」成功，可惜陀咗個幾月，BB忽然冇咗心跳。Kary不幸流產後，冇參加Miki喺泰國搞嘅婚前單身Party，只係出席佢喺香港嘅婚宴。幸好老公Brain好識安慰老婆，佢即時請咗長假陪Kary四圍旅遊散心。近日，Kary走出陰霾復工出席活動，亦開始錄歌準備出碟。而Kary散心期間，亦一直調理身體，兩公婆已準備好隨時再迎接新生命。
吳雨霏走出陰霾復工出席活動，亦開始錄歌準備出碟。
下載APP