鍾嘉欣今年年初同圈外男友Jeremy喺加拿大舉行婚禮，今年8月誕下女兒Kelly後，佢一直喺當地專心湊女，更於微博大晒溫馨母女照。婚後暫退娛樂圈嘅鍾嘉欣，今日清晨現身香港機場，準備明晚復工出席公開活動。佢今次將旋風返港兩天，明晚完成活動後，將會返回加拿大繼續湊女。
大約清晨6時左右，鍾嘉欣乘坐航班由溫哥華飛抵香港，現場一早逾半百傳媒在等候，她戴住黑超現身，一個人推住兩大箱行李，坐完長途機難免有啲倦意。身穿大褸嘅鍾嘉欣產後修身效果不錯，身型不算臃腫兼面尖尖，其左手無名則更戴著婚戒。
問到鍾嘉欣是否恢復原先體重，她說：「少少喇！而家仲差少少。（努力瘦身？）冇呀！我驚畀人打咁樣講，可能自己湊小朋友快睇修身。」問到湊女是否辛苦，鐘嘉欣說:「辛苦得嚟好有滿足感，所以唔覺辛苦。」接受完傳媒訪問後，鐘嘉欣於經理人陪同下離開，於大批記者簇擁下坐上專車返回將軍澳寓所。
下載APP