由方力申（Alex）及郭偉亮（Eric）等人擔任主持的撲克節目，昨日（3日）一集請來蘇永康（蘇康）做嘉賓。蘇康大爆 Eric 是馳名「Poker 翻身王」:「得返$200碼都可以翻到身，佢試過好多次。我就笈手 A 都可以輸。」蘇康續指自己「耐性欠奉」，不太適宜玩 Poker，他又坦言輸唔起：「輸幾百蚊都冇乜事嘅，輸幾千蚊我會好嬲怒，但我買件一千蚊衫完全冇問題喎。」Alex隨即踢爆謂：「嗰啲重要著喺底，得個領邊。」
2017 年升呢做爸爸的蘇康，笑指面對小朋友不能沒有耐性，皆因「盞自己冇命」。直認是嚴父的他透露與太太約法三章，就是大家不會在對方「教仔」時插手。蘇康又提到阿仔愛模仿他說話，Alex聞言即嚇至「眼凸」追問：「你句句都有粗口㗎喎，我入咗行之後，圈入面講粗口最好聽嘅就係阿公。」之後現場即起哄要求蘇康即席示範，場面熱鬧。在節目中話題不絕的蘇康與Alex原來不但曾是同公司師兄弟，蘇康更跟過Alex契媽Christine Samson 學唱歌，現在又跟對方學習如何做老師教唱歌，足證與Alex相當有緣。蘇康續指當年在好兄弟張衛健「指示」下，曾邀請Alex做他游水「替身」，Alex負責「晒泳術」，蘇康則負責「出樣」。 （編輯：游子欣）
方力申在節目上大爆蘇永康說話句句都有粗口。（相關機構圖片）
原來郭偉亮（ Eric） 是馳名的「Poker 翻身王」。（相關機構圖片）
下載APP