林家謙在香港紅館的首個演唱會今晚（28日）已經是補場的最後一場，在第四場做嘉賓的許廷鏗（Alfred），竟然與第二場嘉賓C AllStar成員吳崇銘（King）撞衫。本來撞衫事件時有發生，但Alfred的造型師發文言論惹火，令Alfred昨晚要凌晨出帖道歉耍冧。
網絡插畫家「普羅米修斯」將撞衫事件繪成漫畫，Alfred轉發時大方留言：「其實撞衫又有咩好怕喔？」，同時更Tag了另一主角阿King。但Alfred的造型師卻以火爆留言轉發同一漫畫，向C AllStar挑機：「我製造咗一個史詩級錯誤，Sorry，因為我對C ALL STARS（C AllStar）完全無興趣，無聽佢哋嘅歌，更加唔會留意佢哋，亦都完全唔知佢哋係嘉賓，我依然覺得牙鏗（阿鏗）着得好睇好多。」
其實不少人都覺得同一節目上遲出鏡的藝人與前面藝人撞衫，是造型師睇漏眼的責任，故事件完全令人一面倒覺得Alfred的造型師有欠修養。Alfred昨晚便在凌晨發文代團隊向C AllStar道歉，聲言會嚴正地吩咐他好好留意香港歌手。他又表示有廣東歌才有許廷鏗，今後會用心做音樂，團結一起令香港樂壇更精彩。
事件亦令香港Rapper歌手馬米（MastaMic）加入花生團隊，馬米在品牌SACAI的店內穿起同款外套自拍，更打趣道：「大家唔好拗，我話我著得最好睇，你哋話係唔係。」阿King更回應馬米，叫全部關注這件事的人都去店內穿起同款衫影相選美，不少網民紛紛讚好。 （編輯：游子欣）
許廷鏗為團隊中的造型師言論惹火，令他昨晚（28日）要凌晨出帖向C AllStar道歉。（圖：許廷鏗 facebook）
許廷鏗轉發網絡插畫家「普羅米修斯」的作品時大方留言：「其實撞衫又有咩好怕喔？」，同時更Tag了另一主角阿King。（圖：許廷鏗 IG）
（左起）許廷鏗為林家謙演唱會第四場擔任嘉賓。（圖：許廷鏗 IG）
C AllStar成員吳崇銘（King）與許廷鏗撞衫，分別穿著SACAI的同款外套上台。（圖：C AllStar IG）
C AllStar為林家謙演唱會第二場擔任嘉賓。（圖：On仔 IG）
香港Rapper歌手馬米加入抽水，被網民笑言好睇程度達醫院級別，著得比牙醫好睇少少。（圖：馬米 IG）
下載APP