側田闊別舞台三年，昨晚（20日）舉行首場《側田第一秒音樂會2022》，期間側田感觸良多，現場觀眾也落力叫喊支持，昨晚方力申（Alex）、鄧麗欣（Stephy）、楊愛瑾及小肥亦有睇騷，Alex及Stephy這對舊情侶更巧妙地避過被媒體攝得同框的畫面。
側田最希望以音樂會友，因此開騷就像在一個大型Band房內玩音樂一樣，他在台上即場Jam結他、Rap歌，又大唱泰文歌，他表示：「我諗咗三年，晚晚喺度幻想呢一刻講咩，最怕一開口就喊，我真係好掛住你哋！呢三年好多人問我去咗邊，我搬咗去泰國住，殺死我嘅Ego。因為我發現自己失去笑容、有雜念，咁樣係會影響到我嘅創作，所以我需要離開處理一下。」
側田提起結他Jam歌時多次忘記歌詞又甩咀，氣氛真的「原汁原味」。他又透露在2019年經歷過被背叛及利用之後，發現身邊好多蛇蟲鼠蟻。他又分享道：「當我發現自己2020年陷入低潮時，我離開直到2021年找回初心，跟住開始做新碟。我要送一首歌畀一個人，無佢我企唔到係台，畀啲掌聲佢。」緊接唱出〈愛這個字〉送給這位特別的人物。 （編輯：游子欣）
側田昨晚（20日）在香港的灣仔會展舉行首場《側田第一秒音樂會2022》。（相關機構圖片）
側田在台上換帽，不再介意光頭曝光。（相關機構圖片）
側田戴上口罩，拿自拍器走到台下與歌迷拍片互動。（相關機構圖片）
（左起）小肥與方力申（相關機構圖片）
（左起）鄧麗欣與楊愛瑾（相關機構圖片）
側田在香港舉行一連兩場的音樂會。（相關機構圖片）
下載APP