黎明旗下女新人Sophia（雅荍）及Apple，日前與黃夏蕙（夏蕙BB）參與網台節目做嘉賓，三人年紀相隔76年，兩嫩一老暢談時下學生的戀愛態度，為了配合主題三人更齊齊穿上校服。
兩位16歲的正牌學生Sophia及Apple，加上年過90的夏蕙BB，大家的戀愛態度竟然是一致，若是喜歡對方便要爭取機會去馬，不要浪費時間。節目中有位16歲女同學來電傾訴暗戀故事，她們均覺得女同學應該自己行前一步，否則只會嘥時間，雖然兩個少女的意見頭頭是道，但原來她們都沒有拍拖對象，Sophia更說：「最好唔好拍，祈望愈大失望愈大，一切順其自然。」Apple則坦言想嘗試拍拖感覺。在旁的夏蕙BB說：「佢哋只有16歲太細個，點拍拖呀！不過少女個個都咁靚，有邊個唔想畀人追？」
一向前衛的夏蕙BB令Sophia及Apple十分佩服，Sophia說：「佢好平易近人、好親切，好舒服，重好貼地㖭，又幾可愛。因為我拎咗本書畀佢簽名，佢好好笑咁話簽到手軟，佢雖然係老人家，不過原來佢可以開玩笑。」至於Apple則說：「雖然我哋年紀有相距，但係佢好似啱啱成年咁，完全冇代溝，而且佢畀女同學嘅見解好好。」她們又表示，夏蕙BB很鼓勵她們，有夢想要努力去追求，鍾意便用行動去做，做人要勇氣及勇敢。 （編輯：游子欣）
（左起）黎明旗下女新人Apple及Sophia（雅荍），日前與黃夏蕙（夏蕙BB）參與網台節目做嘉賓。（相關機構圖片）
Sophia（右）自攜夏蕙BB的著作，請她簽名留念。（相關機構圖片）
Sophia及Apple與夏蕙BB年紀相隔76年，三人卻一起大談愛情觀。（相關機構圖片）
（左起）Apple及Sophia（雅荍）是黎明旗下公司的女新人。（相關機構圖片）
下載APP